عادات و تقاليد في العيد

أنا سأروي العادات و التقاليد للعيد في دمشق من من يوم الوقفة:
طبعاً بينزلوا العالم كلهم إلى الأسواق و ترون أنّ الناس جميعهم متجمعين في الأسواق الرئيسية مثل:سوق الصالحية و سوق الميدان
و ليش بس مشان يلحقوا التخفيضات و العروض وطبعاً لأنو ما بكونوا مخلصين للعيد المهم بخلصوا من شراء الأغراض و صلوا على البيت هلكانين بس العمر بيخلص والشغل ما بيخلص طبعاً لازم أنو الغراض ينضبوا و انضبوا الغراض و اجا وقت النوم والأولاد فرحانين لدرجة الطيران و ناموا الأولاد و هنن عم يحلموا بالعيد .
أجا العيد و فاقوا الأولاد و صبحوا عالماما و البابا و باسوا أياديهم وهي طريقة تقليدية لكسب الرضا لزيادة مبلغ العيدية (قال يعني) و بعدين بقولوا: كل عام و أنتِ بخير يا ماما كل عام و أنتَ بخير يا بابا.
و بياخدوا العيدية من ماما و بابا وهنن طااااااااااااااااايرين من الفرحة و
بينزلوا لعند الأقارب و الأصدقاء و هنيك الفجاعة بتبين طبعاً قبل ما يدخلوا بتكون الماما منبهَ عليهم أنّو لا تاكلوا كل الصحن كلوا قطعة قطعتين مو أكتر و بضلوا بقولولا أي فهمنا و الله العظيم فهمنا و بفوتوا بكل أناقة و بيعدوا على شي صوفاية وطبعاً دائماً دائماً بيختاروا الصدر وبعد زورتين تلاتة من الماما لحتا يحسوا و يقوموا يا لعند أمهم يا لعند أبوهم وأجا وقت تقديم الحلوا والتفاخر من وين جايبينوا و طبعاً على أساس أنو الأولاد بكونوا فهموا من ماما بأنو ما ياكلوا غير قطعة قطعتين من الصحن بس وقت بدوب التلج ببان المرج وهلأ بان المرج وللي هوة الفجاعة طبعاً بما أنهم صغار فلذلك بياخدوا صحن صغير طبعاً بخلصوا صحنن و بحطوا عينن على صحن أمهم أو أبوهم وبروحوا لعندن بحجة أنو بدون شي شغلة و هلأ بأا خلصوا أكل و نسي صاحب البيت العيدية المهم بذكروا ببعض النظرات بقوم كمان بجيب العيدية و بعدين بياخدوا العيادي و بيرحوا على المراجيح وهنيك بيتمرجحوا وطبعاً بعد هالشي بدهم أنو هنن يستقبلوا الناس وطبعاً حي يتعذبوا عذاب الحرمية.
و هاد البرنامج بيتكرر كل عيد و كل يوم عيد.
وهي هية عادات وتقاليد بلدنا.
مع تحياتي rolan

شكراااااااا أختي rolanعلى الموضوع
تحياتي..........

موضوع رائع وتقاليد اروع تحياتي لك

هذا أحلى موضوع قرأته في حياتي و أتمنى إنو تكون صداقتنا أروع
مع تحاتي و قبلاتي ليلو أكتف

:7788: بجنن تسلمي والله شوقتيني ليجي العيد ونجمع العيديات

شكراً جميعاً و لله كنت مفكرة أنو ما حيلاقي هالجموع هههههههههههه

هههههههههه كلك ذووق رولان

حلوة هالتقاليد ونيال يلي عاشها

والله يعوض يلي ماعاشاها المهم

انك جد مبدعة وذوووووق ومنبع الذوووق

تقبلي مروري بين ثنايا صفحاتك المنورة بوجدوك

محبتك >>((روح المنتدى))<<